Շրջակա միջավայրի համաշխարհային օրը ամբողջ աշխարհում նշվում է յուրաքանչյուր տարվա հունիսի 5-ին:
Մարդն իր գործունեությամբ ակտիվորեն ազդում է շրջապատող բնական միջավայրի վրա, և այդ ազդեցությունը կարող է ունենալ թե՛ դրական, և թե՛ բացասական հետևանքներ: Պետք է յուրաքանչյուր անձ մաքուր պահի շրջակա միջավայրը: Վնաս տալով շրջակա միջավայրին, մենք առաջին հերթին վնասում ենք մեզ և մեր առողջությունը: Այդ պատճառով պետք է հաճախակի կազմակերպել ծառատունկ և շաբաթօրյակ:
Կարծում եմ, յուրաքանչյուր անձ տարբեր մոտիվներով է պատկերացնում մեր շրջակա աշխարհը: Ես շատ ուշադիր եմ իմ շրջակա միջավայրին: Յուրաքանչյուր օր երկու անգամ, բարեկարգում, խնամում եմ մեր բակի ծառերը, ծաղիկները՝ պապիկս օգնությամբ: Դեռ մանկուց, պապիկս և տատիկս իմ մեջ սերմանել են, որ պետք է ուշադիր լինել մեր շրջակա միջավայրին: Գարնան սկզբին ես և պապիկս տնկել ենք մեր բակում նոր ծառեր, ծաղիկներ…
Մեր դպրոցը նույնպես մեր մեջ սերմանել է ավելի ուշադիր լինել մեր շրջակա միջավայրին: Մենք հաճախակի ծառեր, ծաղիկներ են տնկում…
Մարդը շատ ուժեղ թելով կապված է բնական միջավայրին՝ ծառեր, լեռներ, լճեր: Կյանքը գնալով զարգանում է, և մարդկանց մոտիվները գնալով փոխվում են: Օրինակ՝ ընտանիքի անդամներով մենք խորհրդակցում, նոր լուծումներ ենք գտնում միջավայրի փոփոխությունների իրականացման համար: Ես ուսումնասիրել եմ մեր քաղաքը և կարելի է ասել, որ մեր երկիրը գտնվում է բարձր մակարդակի մաքրության վրա, ճիշտ է կան մարդիկ որոնք կեղտոտում են մեր շրջակա միջավայրը, բայց դա կարելի է ասել մարդկանց 0,5 % ըստ իս: Որոշ ժամանակ առաջ ես նկատեցի, որ բակում ոչ պատշաճ մաքրություն է տիրում, և մենք հարևաններով կազմակերպեցինք շաբաթօրյակ, շաբաթօրյակին մասնակցեցին, թե մեծերը, և թե երեխաները, միահամուռ ուժերով մաքրեցինք մեր շրջակա միջավայրը: