ԱՄՆ-ն պատժամիջոցներ գործադրեց Իրանի դեմ։ Պայքարը ավելի սրացավ 2020 թվականին, երբ պենտագոնը հաստատեց, որ Սոլեյմանին սպանվել է ԱՄՆ նախագահի հրամանով։ Սոլեյմանին Իրանի գլխավոր գեներալներից էր: Նրա սպանությունը խոշոր իրարանցում ստեղծեց Իրանի մայրաքաղաք Թեհրանում: Սոլեյմանին ավիահարվածի ժամանակ ավտոմեքենայում է եղել Բաղդադի օդանավակայանում։ Ի պատասխան այս հարձակման՝ Թեհրանը հրթիռակոծել էր Իրաքում գտնվող ամերիկյան 2 ռազմաբազա:
Հայաստանը, մնալով տարածաշրջանի ազատության, ժողովրդավարության, խաղաղության եւ կայունության կարեւոր կղզյակ, բոլոր առումներով արդյունավետ օպերատիվությամբ արձագանքեց ճգնաժամին, պահպանելով հավասարակշռությունը կողմերի միջեւ:
Լայնամասշտաբ պատերազմի վտանգը ներկա պահին հաղթահարված է, սակայն, լարվածության պահպանման եւ ապագայում նոր սրացման հիմքերը պահպանվում են։
Հայաստանի հարաբերությունները Իրանի եւ ԱՄՆ-ի հետ կենսական կարեւորություն ունեն ոչ միայն երկկողմ հարթության վրա, այլեւ տարածաշրջանային խաղաղության, կայունության եւ անվտանգության տեսակետից: